බෝපේ රාජසිංහ විදුහල් මාතාවගේ ප්‍රථම නිල වෙබ් අඩවිය වෙත විදුහල්පති ලෙස පණිවිඩයක් එක් කිරීමට ලැබීම මා ලද භාග්‍යයක් කොට සලකමි.

             වර්ෂ 1867 වැනි ඈත ඉතිහාසයකට හිමිකම් කියන බෝපේ රාජසිංහය මේ පින්බිමේ ස්ථාපිත කරනු වස් ඇප කැප වූ සියලු දෙනාත් , එතෙක් මෙතෙක් කල් විදුහල් මාතාව පෝෂණය කළ සියලු විදුහල්පති මෑණිවරු සහ පියවරුන්ද, ගුරු මෑණිවරු සහ පියවරුන්ද ,පාසල් ප්‍රජාව ද කෘතවේදීව සිහිපත් කරමි.

             සියක් වසකට වැඩි ඉතිහාසයකට හිමිකම් කියන බෝපේ  රාජසිංහය එතෙක් මෙතෙක් ලොවට දායාද කළ මිණි පහන් දහස් ගණනක් සමාජය බබළවනු දැකීම රාජසිංහ අපේ අභිමානයයි.

                  වරෙක නැගෙමින් තවත් වරෙක වැටෙමින්  දිගු ගමනක් පැමිණි රාජසිංහ විදුහල් මාතාව වර්තමානය වන විට හෝමාගම අධ්‍යාපන කලාපයේ කීර්තිමත් පාසලක් බවට පත්ව තිබීම සතුටට කාරණයකි.

                වර්තමානයේ දී “ලොව කියවන දරුවකු බිහිකිරිම” යන දැක්ම ඔස්සේ ගමන් කරන රාජසිංහය මේ වන විට ජීව විද්‍යා , ගණිත තාක්ෂණවේදය , වාණිජ හා කලා යන විෂය ධාරා ඔස්සේ උසස් අධ්‍යාපනය වෙත දරුවන් යොමු කරන ප්‍රමුඛ පාසලක් බවට පත්ව ඇත. 21 සියවසේ අධ්‍යාපන සංකල්ප හා STEAM සංකල්පය ඔස්සේ සංවර්ධනය කිරීමට අපේක්ෂිත රාජසිංහ  විදු මාතාව විෂය සමගාමී මෙන්ම විෂය බාහිර ක්‍රියාකාරකම් තුළින් ද ඉදිරියට යමින් ස්ථාවර පාසල් සංස්කෘතියක් ගොඩ නගමින් සිටින්නීය.මේ කාර්යය සඳහා ඇප කැපවී කටයුතු කරන නියෝජ්‍ය විදුහල්පති මෑණිවරු හා පියවරුන් ද , සහකාර විදුහල්පති මෑණිවරු සහ පියවරුන්ද , ගුරු මෑණිවරු සහ පියවරුන්ද , අනධ්‍යන කාර්ය මණ්ඩලය,දෙමාපියන් , ආදි ශිෂ්‍ය ශිෂ්‍යාවන් , දෙමාපියන් ඇතුළු සුභ පතන්නන් සියලු දෙනා මේ මොහොතේ දී කෘතවේදීව සිහිපත් කරමි.

              ආදරණීය රජසිහ පවුලේ ආදි සාමාජික සාමාජිකාවනි  ඔබේ දෑතේ ශක්තිය රජසිංහ මාතාවට අවැසි මොහොතයි මේ ඔබේ ආදරණීය විදුහල් මාතාව දිවයිනේ ප්‍රමුඛ පාසලක් බවට පත් වෙමින් යන මේ ගමනේදී ඔබ සියලු දෙනාගේ ශක්තිය ඇයට ලබාදීමට ගෞරවයෙන් යුතුව ඇරයුම් කරමි .

ස්තුතියි,

ජේ.සී.කුමාර    
(විදුහල්පති)